قصاد عينى فى كل مكان

????

????

زائر

كيف حالكم يا شباب ؟؟

عارف إن فيه ناس كتير هتقول مش كويس !!

هقولكم خير ..

بإذن الله هيبقى كويس وزي الفل .. بس انتو احسنوا الظن بالله ..

المهم ..

ندخل في موضوعنا

لو أي حد فينا يا شباب قرا في سير واحوال السلف ، هيلاقي فيها العجاااااااااااااائب !

الناس
دي حياتهم كانت كلها طاعة وعبادة وزهد وتقوى وورع وكانوا بيعملوا حاجات
بالنسبة لنا دلوقتي هي حاجات اول ما بنسمعها بنقول دي حاجات خيالية !!

طيب ما احنا لازم نسأل نفسنا ..

ليه كده ؟؟؟؟؟

محدش يقول مكنش عندهم فتن ، اللي بقول كده يبقى مقرأش ومش عارف حاجة !

آه فتن زماننا أكبر وأشد ، بس مش دي الحجة والشماعة اللي ممكن نعلق عليها أحوالنا السيئة جدا !

والمفروض إن الإسلام هو الإسلام !

والقرآن هو القرآن !

مفيش حاجة اتغيرت يعني !

أمال فيه إيه بالظبط ؟؟؟؟

إحنا ليه مش زيهم ؟؟؟؟

ليه هما كده واحنا كده بالفرق الشاااااااااااااااسع ده !!!

تعالوا مع بعض نعرف السبب ..

قصاد عينى فى كل مكان 99627310bb310904acdab07167e98634

قصاد عينى فى كل مكان 99627310bb310904acdab07167e98634

اللي بيقرأ في سير السلف الصالح .. هيعرف إن الفرق الملحوظ بيننا وبينهم هو:

قوة إيمانهم الشدييييييدة باليوم الآخر..
وضعف إيماننا الشدييييييييييد بيه !!

لو تأملنا يا شباب في القرآن الكريم اللي ربنا انزله
علشان نتامل ونتدبر فيه ، هنلاقي إن تقريبا مفيش سورة من القرآن مفيهاش
تذكرة باليوم الآخر والدار الآخرة ، بل مش سورة وبس ؛ دهتقريباً مفيش صفحة مش فيها تذكرة بالآخرة ..

طيب ليه كده ؟؟؟

ما كان يكفي آية واحدة ربنا يذكر فيها الآخرة وكنا هنقرأها ونؤمن بها وخلص الموضوع..!!

ليه تكرار الايات اللي بتتكلم عن الدار الآخرة بالمنظر ده ؟؟

المتأمل هيلاقي إن ربنا سبحانه وتعالى أراد إن الآخرة
ترتسم في قلوبنا من كتر تكرار معانيها في القرآن ، بل تنتقش على جدران قلوبنا وتبقى حق اليقين ، ومتغيبش عن عيوننا لحظة واحدة ، فمحدش يتحرك حركة ولا يلمس لمسة ولا ينظر نظرة
ولا ينطق بكلمة إلا وهو حاطط الآخرة قصاد عينه !

وسبحان الله ، هو ده أسلوب القرآن التربوي مع الصحابة في بداية اسلامهم بتذكيرهم بالآخرة ..

السيدة عائشة رضي الله عنها بتقول :
( أول ما نزلت من القرآن سورة فيها ذكر الجنة و النار- تعنى رضى الله عنها - سورة المدثر و هي ثاني سورة ..
و فيها يقول جل و علا : ( فَإِذَا نُقِرَ فِي النَّاقُورِ) المدثر:8. و قوله جل و علا : ( وَمَا جَعَلْنَا أَصْحَابَ النَّارِ إِلَّا مَلَائِكَة ً) المدثر:31
و قوله جلا و علا : ( كُلُّ نَفْسٍ بِمَا كَسَبَتْ رَهِينَةٌ * إِلَّا أَصْحَابَ الْيَمِينِ * فِي جَنَّاتٍ يَتَسَاءلُونَ * عَنِ الْمُجْرِمِينَ) المدثر:38-41
حتى إذا ثاب الناس إلى الإسلام نزل الحلال و الحرام )

وبتقول في حديث تاني :
( أنزل على النبي صلى الله عليه وسلم و أنا جارية ألعب : ( بَلِ السَّاعَةُ مَوْعِدُهُمْ وَالسَّاعَةُ أَدْهَى وَأَمَرُّ) القمر:46
و ما نزلت البقرة و النساء إلا و أنا عنده في المدينة )

يعني التذكرة باليوم الآخر والجنة والنار كانت هي أكبر دافع للصحابة على ترك كل حاجة حرام كانوا متعلقين بيها في بداية اسلامهم ، بل وكانت دافع للتنافس الرهيب في الطاعات ما بينهم ..

وده كان نفس حال السلف الصالح من بعد الصحابة في تركهم للمحرمات وتنافسهم الشديد في الطاعات عن طريق تذكرهم للآخرة..
إنما إحنا لما نسينا إن فيه حاجة اسمها آخرة وجنة ونار ،
أصبحت أحوالنا بالحالة السيئة اللي متخفاش على حد!!

قصاد عينى فى كل مكان 99627310bb310904acdab07167e98634

آآآآآآآآآآآه لو شوفنا الجنة والنار بقلوبنا ..!

كان هيبقى أحوالنا زي ما النبي صلى الله عليه وسلم قال :
" والذي نفسي بيده لو رأيتم ما رأيت لضحكتم قليلا ولبكيتم كثيرا
قالوا : وما رأيت يا رسول الله ؟؟؟

قال : رأيت الجنة والنار "

آآآآآآآآآآآه لو تخيلنا مثقال ذرة من نعيم الجنة ومثقال ذرة من عذاب النار !!

النبي صلى الله عليه وسلم بيقول :
( إني رأيت الجنة وتناولت عنقودا ولو أصبته لأكلتم منه ما بقيت الدنيا ، ورأيت النار فلم أر منظرا كاليوم قط أفظع )
تخيل عنقود واحد من شجرة واحدة من شجر الجنة كنا هنفضل ناكل منه ليوم القيامة !!!
دي فعلا حاجة ولا في الخيال !!
اصل فيها ما لا عين رأت ولا أذن سمعت ولا خطر على قلب بشر !
ربنا يوعدنا جميعاً يارب ..

وتخيل قول النبي صلى الله عليه وسلم :
( لو أن قطرة من الزقوم قطرت في دار الدنيا لأفسدت على أهل الدنيا معايشهم فكيف بمن تكون طعامه )
نقطة واحدة من الزقوم تخلي أهل الارض كلهم يكرهوا عيشتهم !

ما بالكم باللي هيكون اكله كله زقوم وشرابه حميم وغسلين !!
ربنا يعافينا جميعاً يارب..

قصاد عينى فى كل مكان 99627310bb310904acdab07167e98634

آآآآآآآآآآآآآآآآآآآآآآه يا شباب لو عرفنا يعني إيه جنة ونار وحطينا الجنة والنار قدام عنينا !!!

والله العظيم حياتنا هتغير من أصغر شئ لأكبر شئ فيها ..

الصحابة لما عرفوا يعني إيه جنة ونار ..
لقينا اللي بيتصدق بفلوسه كلها في سبيل الله !

واللي بيترك زوجته وبيخرج يجاهد ليلة دخلته !
واللي بيتحمل جميع انواع الايذاءات الجسدية والمعنوية اللي مفيش حد يتحملها !

التابعين لما عرفوا يعني ايه جنة ونار ..
بقى فيهم اللي بيقيم الليل من العشا للفجر !

وبقى فيهم الناس اللي فتحت البلاد وملأوا الكون كله بنور الاسلام !

يا شباب ..
أحد السلف بيقول :
عجبت للجنة كيف نام طالبها
وعجبت للنار كيف نام هاربها

إزاي واحد يعرف النعيم ده وميسعاش إنه يوصله ؟؟!!!
وإزاي واحد يعرف العذاب ده وميسعاش إنه يهرب منه ؟؟؟!!!

عايزين نقرا ونسمع عن اليوم والآخر والجنة والنار على طووووووووووووول يا شباب ..
لحد ما فعلاً يبقى كأنهم رأي عين قدامنا في كل حاجة بنعملها في حياتنا ..

عايزين نخلي كل حاجة في الدنيا تفكرنا بالآخرة ..

* لما تشوف منظر جميل خلاب زي ده مثلا

او ده

تفتكر جمال الجنة اللي مفيش حاجة زيه وتقول لنفسك :

آآآآه مش نفسك تبقى في النعيم ده ؟؟

يبقى تصبري وتستحملي اليومين اللي عايشينهم في الدنيا !!

* لما تاكل أكلة طعمها حلو

تفتكر لذة وحلاوة الاكل في الجنة ، اللي مفيش فاكهة ولا اكلة فيها طعمها زي اللي قبلها!
كل حاجة طعمها مختلف وأروع من اللي قبلها مع تشابهها في الشكل ، علشان متملش وتعيش في النعيم الأبدي ..

* أو لما تشوف بنت ماشية تعرض نفسها في الشارع تغض بصرك وتفتكر الحور العين اللي كل ما هتدور وشك عنها هيزيد جمالها في عينك سبعين ضعف !

* لما تشوفي بنت لابسة وعامله في نفسها العمايل ، تفتكري يا اختي ياللي التزمتي بحاجبك وصنتي جمالك في الدنيا ، إنك هتبقي سيدة الحور العين في الجنة ، وجمالك هيفوق جمالهم كلهم ..
قصاد عينى فى كل مكان 99627310bb310904acdab07167e98634

وفي نفس الوقت...
* لما تشوف قدامك نار فرن مولعة والصهد بتاعها لوحدة يشوي الوجوه ، تفتكر النار الآخرة اللي أكبر من نار الدنيا ب 69 ضعف !!

قصاد عينى فى كل مكان 1325803018671

* لما تشوف براد الشاي بيغلي قدامك تفتكر غليان نار الآخرة وفورانها على كل اللي دخلها !!

* لما تشوف حاجة محطوطة في الزيت ومجرد عشر دقايق في نار الدنيا تلاقيها فحمت !
تفتكر نار الآخرة واللي هيقعد فيها دقيقة واحدة هيكون شكله عامل إزاي ؟؟!!
ما بالكم باللي هيقعد فيها أيام وسنين ؟؟!!!!!!

قصاد عينى فى كل مكان 1325803018602

مين فينا يقدر يستحمل ؟؟؟؟؟؟؟؟؟؟؟؟؟؟؟؟؟؟؟؟؟!!!
قصاد عينى فى كل مكان 99627310bb310904acdab07167e98634

آآآآآآآآآآآآآآآآآآآآآه لو عشنا المعاني دي بقلوبنا يا شباب ..

آآآآآآآآآآآآآآه لو حطينا الجنة ونعيمها والنار وجحيمها قصاد عيننا في كل مكان ..

وأقسم بالله ما هنقدر نعصي ربنا !!!

والله العظيم يا أختي هترمي كل لبسك الضيق وهتنزلي تشترتي أوسع لبس في الدنيا كلها ..
لأنك عرفتي يعني ايه جنة ونار !!
والله العظيم ما هتقدري تكلمي شاب او تعيشي معاه قصة حب حرام ..
لأنك عرفتي يعني ايه جنة ونار !!
والله العظيم هتغض بصرك عن كل بنت متبرجة وكل مشهد مش كويس ..
لأنك عرفت يعني ايه جنة ونار !!
والله العظيم ما حد هيطيق يتلذذ بسماع أغنية ..
لأننا عرفنا يعني ايه جنة ونار !!

بس المشكلة إننا بننسى ..
و الانسان متسماش بكده غير لأنه بينسى ..
وعلشان كده ربنا قال :
( وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ )

عايزين زي ما قولتلكم يا شباب نذكر نفسنا دايماً بالجنة والنار
لحد ما يبقى محور حيانا وتفكرينا هو ازاي نبقى في أعلى درجات الجنة وإزاي نبعد عن أي لفحة عذاب من النار..
هات استيكرات والزقها او اكتب ورق وعلقه عندك في اوضتك .. نزل شرايط ودروس عن الدار الاخرة واسمعها ..
اعمل خلفية جهازك حاجة تذكرك بالجنة والنار.. [center]غير نغمة موبايلك بنغمة عن الدار الآخرة ..
هات كتب عن الدار الآخرة واقرا ..
وانصحك بكتاب ليلى بين الجنة والنار للدكتور خالد ابو شادي ..

لااااااااااااااااازم يبقى فيه تذكرة دايمة في حياتنا بالدار الآخرة ..
علشان لما نيجي نعمل أي عمل نفتكر ونشوف ده هيودينا فين ؟؟؟

لو حاجة هتودينا الجنة نسارع جري ونعملها ونتنافس فيها ..
ولو حاجة هتجلب لنا العذاب نهرب منها ونكون
أبعد الناس عنها..

يا شباب ..
اوعوا تغفلوا عن الآخرة ..

عايزين نبقى في الدنيا ..
ولكن عيوننا دايماً على الآخرة في كل وقت وكل مكان ..

ربنا يجمعنا جميعا يا شباب مع حبيبنا النبي في الفردوس الاعلى من الجنة ..
ويرزقنا لذة النظر لوجه الكريم ..
اللهم امين ..

انور ابو البصل

انور ابو البصل

عضو نشيط

تاريخ التسجيل : 30/01/2012
الموقع : منتدى انور ابو البصل الاسلامي

اسأل الله أن يرفع قدركم ويغفر ذنبكم
ويفرج همكم وينفس كربكم ويبدل عسركم يسرا
ويرزقكم كل ما تصفوا إليه نفوسكم ألطيبه
وينور دربكم بالإيمان ويشرح صدركم بالقران
ويحفظكم من وساوس الشيطان
ويجعل الفردوس مستقركم
اللهم آمين
اخوكم في الله انور صالح ابو البصل

قصاد عينى فى كل مكان

1 قصاد عينى فى كل مكان الأربعاء فبراير 01, 2012 8:09 pm

????

2 رد: قصاد عينى فى كل مكان السبت فبراير 11, 2012 3:13 pm

انور ابو البصل